Otra Forma de Vivienda es Posible | 16-17 / xuño A Coruña

Inicio/Noticias del cooperativismo/Otra Forma de Vivienda es Posible | 16-17 / xuño A Coruña

Outra Forma de Vivenda e o Concello de A Coruña organizan as xornadas “Outra Forma de Vivenda é Posible“, que terán lugar os días 16 e 17 de xuño no Centro Ágora de A Coruña.

Outra Forma de Vivenda é unha cooperativa de cesión de uso sen ánimo de lucro de vivendas accesibles, sustentables e comunitarias na cidade de A Coruña, coa que a Unión de Cooperativas Espazocoop está colaborando.

 

Programa aquí

A programación conta coas seguintes áreas:

Mesa 1: O papel das institucións. O público como axente facilitador e impulsor de novos modelos de vivenda
Mesa 2: O papel da cidadanía, construindo dende abaixo
Mesa 3: Outra forma de vivenda é posible: accesibilidade universal, vida comunitaria e sustentabilidade
Mesa 4: Acompañamento profesional: a xestión e o financiamento

(Nesta última mesa participa Ramón Carmelo Rodríguez Padín, Secretaría Técnica de Coop57, e Alfredo Losada, Git Galiza Norte de Fiare Banca Ética, entre otras personas)

Dinámica participativa: obxectivos e conclusións

 

Motivación da xornada:

“Cada vez aparecen máis voces críticas que demandan un cambio no xeito de habitar e de afrontar a xestión do
hábitat, e dun dereito universal como é a vivenda, e que como tal, ha de estar lonxe da especulación e do lucro.
Unha das cuestións invisibilizadas no habitar das nosas sociedades é a diversidade da poboación, que se
traduce na escaseza dunha oferta de vivendas que faciliten o benestar e a autonomía de tódalas persoas, sendo
preciso pensar o hábitat dende o deseño universal.

No mesmo sentido, o elevado impacto ambiental do sector da construción e dos hábitos cotiáns tampouco é un factor que se teña en conta na medida axeitada. Finalmente, hai que destacar a necesidade de promover unha cidadanía activa e responsable, participante da definición e a xestión do seu propio hábitat nas distintas escalas.
Dende a administración, é importante traballar no deseño e implementación de novas políticas públicas no
eido do Dereito a un hábitat digno, que podan axudar a revertir décadas de desinterese institucional e de mercantilización da Vivenda.

Consideramos que o impulso institucional é imprescindible pero non suficiente; para mudar o modelo
socioeconómico que xira arredor da vivenda é preciso contar coa cidadanía organizada e a súa implicación.
Neste sentido, xorden estas xornadas interdisciplinares, organizadas polo Concello da Coruña e pola iniciativa
Outra Forma de Vivenda, co obxectivo de reflexionar desde o colectivo sobre os novos modelos de vivenda, o
papel da cidadanía no deseño e construción do seu propio hábitat, ou o rol das institucións como impulsoras destas
novas fórmulas.

As xornadas servirán para comparar modelos de éxito, xerar ideas e ofrecer solucións, así como para
profundizar sobre aspectos clave como a accesibilidade universal, a vida comunitaria (no eido da axuda mutua, os
espazos compartidos e a relación co barrio) e a sustentabilidade, sempre partindo do dereito á vivenda como
dereito universal.”

Outra Forma de Vivenda
www.outraformadevivenda.org
www.facebook.com/coop.viviendasadaptadascoruna
@CoopOfvCoruna

2017-06-08T19:05:49+00:00 8/06/2017|Noticias del cooperativismo|Sin comentarios

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies