Feitoría Verde é unha cooperativa que entende a educación ambiental como unha ferramenta imprescindible para a sensibilización e participación activa da cidadanía.
Queren ser axentes promotores da dinamización social e de potenciación da capacidade de participación das persoas e dos colectivos para mellorar a relación co medio ambiente.
Conciben a educación ambiental como ferramenta para a participación, a aprendizaxe mutua, o intercambio de experiencias e a valorización de recursos e prácticas, endóxenas e innovadoras.
Feitoría Verde é unha empresa de servizos educativos que aposta por unha economía social propiciatoria de mellorías ambientais, que busca sinerxías e complementariedades entre proxectos e empresas. Baseánse na melloría da calidade de vida da cidadanía, especialmente das mulleres, do medio ambiente e da realidade da educación ambiental en Galicia.
Teñen como obxectivo propiciar cambios sociais que melloren a percepción e actitude sobre o medio ambiente, integrando criterios éticos e de profesionalidade.