Astegal, S. Coop. Galega

Asesoramento integral a empresas

Astegal é unha cooperativa de traballo asociado formada por cinco socios/as, creada no ano 2001, na comarca do Salnés. A súa actividade consiste no asesoramento integral a empresas, contando con persoal especializado. A máxima da cooperativa é ofrecer ao cliente un servizo personalizado que cumpra as súas expectativas; ofrecendo unha resposta rápida e eficaz ás súas necesidades.

Desde a cooperativa insisten en que só o coñecemento do mercado e unha boa xestión pode proporcionar á empresa un crecemento sustentable. Isto esixe cada vez máis ao empresario coñecer toda a información, sistemas e métodos aplicables na súa empresa. Pois ben, desde Astegal axudarano a conseguilo porque contan cun equipo de traballo avalado pola experiencia e a profesionalidade que se require, e os seus recursos son os apropiados para unha empresa actual e en plena actividade.

Astegal realiza un asesoramento e  xestión de empresas integral, ofrecendo servizos mercantís, contables, fiscal e laboral. Leva a cabo estudos e informes e conta con cun gabinete técnico e xurídico propio.