Programa Responsabilízate. Aberta a inscrición

//Programa Responsabilízate. Aberta a inscrición

Aberta a inscrición para a segunda edición do programa Responsabilízate

Na primeira edición participaron 130 empresas, e agora, aquelas pemes e autónomas interesadas en dar un valor engadido á súa xestión a través da RSE xa poden participar na nova convocatoria do programa.

A Secretaría Xeral de Emprego, a través da Consellería de Economía, Emprego e Industria, acaba de abrir o prazo de inscrición para participar na segunda edición do Programa Responsabilízate, mediante o que se prestan servizos de tutela para implantación da responsabilidade social empresarial no tecido empresarial galego e ofrecerlles un valor engadido.

O obxectivo é incorporar na estratexia de negocio das empresas prácticas de bo goberno voluntarias -no ámbito laboral, social, ambiental e económico-, así como unha xestión ética e sustentable.

Ábrese esta nova convocatoria tras concluír a primeira edición, na que unhas 130 empresas das catro provincias galegas melloraron a súa xestión tras formarse e definir o seu primeiro plan de RSE.

Requisitos

Tal e como se establece nas bases reguladoras, poderán presentar a súa solicitude as pequenas e medianas empresas (pemes) e autónomos con polo menos unha persoa traballadora por conta allea ao seu cargo, e domicilio social en Galicia ou algún centro de traballo na comunidade.

Para formar parte desta segunda edición de Responsabilízate deberán solicitar a súa participación de forma obrigatoria a través da sede electrónica da Xunta de Galicia.

A selección das empresas participantes farase por orde de entrada no Rexistro da Secretaría Xeral de Emprego e o prazo para recepción de solicitudes permanecerá aberto ata alcanzar o máximo número de prazas segundo a dispoñibilidade orzamentaria desta convocatoria.

Tres fases

O programa Responsabilízate inclúe os seguintes servizos:

  • Diagnose do estado e potencial de RSE, para o cal se empregará a plataforma XUNTA PRO-RSE.
  • Programa de formación na materia.
  • Definición dun plan de RSE específico e axuda na implantación das primeiras acción do mesmo.

Bases reguladoras 2ª edición Responsabilízate (DOG) >> 

Sede electrónica >>

Coñece as empresas da 1ª edición de Responsabilízate. Le as entrevistas >>

 

Fonte: https://rse.xunta.gal/

 

2018-03-07T16:14:13+00:00 7/03/2018|Convocatorias|Sin comentarios

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies