Cepes e Laboral Kutxa impulsan unha Liña de Financiamento para Economía Social e un Estudo

//Cepes e Laboral Kutxa impulsan unha Liña de Financiamento para Economía Social e un Estudo

CEPES e Laboral Kutxa impulsan dúas iniciativas: unha Liña de Financiamento, e un Estudo sobre a competitividade das empresas de Economía Social

A Confederación Empresarial Española da Economía Social (CEPES) e Laboral Kutxa, no marco do convenio que teñen subscrito impulsarán a competitividade das empresas de Economía Social a través de dúas iniciativas. Por unha banda, Laboral Kutxa destinará 50 millóns de euros para favorecer o desenvolvemento da economía social española, a través da nova liña EaSI Economía Social, a de maior importe a nivel europeo, que facilitará a concesión de préstamos e contas de crédito a proxectos promovidos por empresas que teñan un impacto social positivo. Esta iniciativa apóiase nunha garantía pertencente ao Programa para o Emprego e a Innovación Social (EaSI), financiado pola Unión Europea.

Segundo se explica desde CEPES, o Fondo Europeo de Investimentos (EIF) non concede axudas directas ás empresas nin inviste directamente nelas, senón que selecciona aos colaboradores financeiros adecuados, a quen aporta garantías para cubrir os préstamos e créditos. Laboral Kutxa asumirá a función de conceder o financiamento favorecido por esta liña por un total de 50 millóns de euros.

Os importes das operacións favorecidas por este novo convenio non superarán os 500.000 € por cada empresa solicitante. O prazo máximo de devolución estableceuse en 10 anos para os préstamos e 3 anos para as contas de crédito. Non se solicitarán garantías hipotecarias e quedan totalmente excluídas as operacións de refinanciamento. Laboral Kutxa asumiu o compromiso de conceder o total do importe subscrito, 50 millóns de euros, nun prazo de 30 meses.

Os destinatarios desta nova liña de financiamento deberán acreditar volumes de vendas e activos en balance inferiores a 30 millóns de euros. En canto á forma xurídica, deberán enmarcarse na Lei 5/2011 de Economía Social: cooperativas, sociedades laborais, cofradías de pescadores, mutualidades, empresas de inserción social, centros especiais de emprego e fundacións ou asociacións que exerzan actividade económica.

A iniciativa pretende lograr un impacto social positivo e medible, para o que se estableceron unha serie de indicadores que teñen en conta o impacto xerado en función do tipo de actividade do solicitante do financiamento.

Máis información sobre a liña Easy Social

Nota: En Galicia polo de agora non hai oficinas de Laboral Kutxa, e aínda que esta entidade opera con Banca Electrónica, á hora de tramitar e contratar esta liña de financiamento habería que realizalo presencialmente nalgunha oficina da súa rede. As oficinas máis próximas (segundo a información que figura na súa web) serían en Oviedo, León ou Zamora.

 

Estudo sobre a competitividade da economía social española

Doutra banda, e en paralelo ao lanzamento desta nova liña de financiamento EaSI Social, CEPES e Laboral Kutxa puxeron en marcha un estudo sobre a competitividade da economía social en España, a través da ferramenta de autodiagnóstico COMPYTE.

 Coa aportación de Mondragon Unibertsitatea – Mondragon Innovation & Knowledge (MU-MIK), Laboral Kutxa diseñou un instrumento que permite a cada empresa medir o seu propio nivel competitivo respecto a súa competencia directa e, ademais, extraer as principais claves para poder elevar a súa competitividade a medio e longo prazo. 
Calquera empresa de Economía Social pode participar a través do enlace http://www.compyte.eus/ a través do cal poderá medir a súa competitividade ao redor de cinco factores clave (innovación, internacionalización, emprendemento, financiamento e persoas) e poderá realizar análises comparativos con outras empresas do sector. Está basado nun test disponible on line e gratuíto, que se vai adaptando en función de varios factores, tales como o sector, tamaño, antigüedade, nivel de crecemento, etc.

 

Fonte: web Observatorio Español da Economía Social.

2017-11-30T12:19:53+00:00 28/11/2017|Convocatorias|Sin comentarios

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies